意外收獲，買咗三哥套男禮呀！！
G2000係O既AT20出品，平少少又襯返三哥年幾，fit呀!
用埋會員優惠，盛惠HK$1,620.- 就咁ＯＫ多樣哩啦！
ＹＥＡＨ～
2013年11月17日星期日
ｈｍ。ｗ 心靈準備：婚前輔導のPREPARE ②
第二次婚輔，功課又係拿拿淋咁喺上星期六完成，上星期日交。;p
其實，交功課前又係發生咗少少嘢令妙子唔開心吖。
幾日前問三哥做功課做成點，知道三哥未做過，而妙子又未完成晒；
咪約三哥同佢喺星期日完咗教會崇拜後完成啦。
明明答我「哦。」ga嘛，點知到上星期六時就問妙子，
「你份功課呢？」，仲要知道妙子未完成都自己交埋；
即時心裡一沈… 唉，算啦，唯有即時星期六晚開夜車，
努力完成份功課交俾輔導同工，以免要delay見面時間。
今日O既主題係「聲聲相識」，要妙子同三哥重述①家庭圖（結構）、
②與各人關係及③成長過程。
妙子當天重述時就喊晒啦～
因為重述時，妙子重温到成長時感覺到O既孤單,無助；
但更要感恩O既係,天父O既愛鍚和恩典係奇妙偉大,祂讓妙子知道，
雖然缺乏但妙子仍好多好多O既愛；
有爸爸O既，有細佬O既，有爺爺嫲嫲、公公婆婆O既，有六叔六嬸O既，有姨媽O既，數都數唔晒。
妙子更確信，三哥更係天父準備比妙子O既嗰位；
他建立妙子對自己能力O既肯定同信心，
他幫助妙子軟化和爸爸、細佬O既冰冷關係，
他陪伴妙子走過低谷，跨過失去O既傷痛。
一步一步協助妙子欣賞自己，成為更好。
呢日，輔導員問到「為何妙子認為呢個時間係合適結婚？」
妙子諗咗陣答「因為妙子依家可以坦白咁講出自己O既所想。」
的而且確，呢個元素亦係喺一段關係中佔著舉足輕重O既影響。
夫婦倆，將來有乜嘢都要有相有量，
如果唔能夠坦誠咁講出自己所想O既，條路會好難行。
所以，妙子依家可以坦白咁講出自己O既所想，係妙子覺得最關鍵O既原因。
各位Ｂ２Ｂ們，唔知道妳哋又會點睇呢？
希望呢篇分享可以成為妳哋O既祝福啦！
又要彼此相顧，激發愛心，勉勵行善。
（聖經 希伯來書 １０：２４）
2013年11月14日星期四
ｈｍ。ｗ 婚期。風波
婚禮籌備咗差不多三個月啦，一直都算順利。
但今晚收到三哥一通電話，話三哥媽要想我哋改婚期喎。
但今晚收到三哥一通電話，話三哥媽要想我哋改婚期喎。
即時，搵吓當日詳細啲嘅時辰資料，只有下午三至五點，唔好之外，其他都好好。
於是，三哥用呢個原因按撫三哥媽；到目前都未有再講乜嘢啦。
於是，三哥用呢個原因按撫三哥媽；到目前都未有再講乜嘢啦。
希望，順利啦！
2013年11月3日星期日
ｈｍ。ｗ 尋找。男禮の②
見有時間，繼續同三哥去尋找男禮。
尋日行完ｈ＆m，G2000，同Zara，咁今日就行去12 inspired比三哥睇吓別人O既點樣著得型仔！
三哥睇完真係對, 12 inspired show出黎O既版眼前一亮。
嘻嘻，妙就會依住呢個方向為三哥安排佢O既衣著啦！
2013年11月2日星期六
ｈｍ。ｗ 初。婚展
由訂婚到依家，己經四個月。
其間，有兩次婚展（８月會展＆９月九展），
但係妙子同三哥都因種種原因miss out咗。
今次，１１月會展搞，即刻問吓酒席酒家有無飛可以比我哋入場。
就係咁，又慳返４張飛！ 嘻嘻！
同三哥喺尖沙咀食完季節限定O既蝦堡後，坐船過海到會展。
嘩，呢年多變咗鄉下妹O既妙子，唔出城真係唔知，
渡海輪依家要 $3.70 先過到海呀！
仲諗住可以做慳妹添．．．比三哥讚吓O架嘛。
回正題，去到怕人多O既三哥即刻鬆咗啖氣．．．
（原來，佢以為婚展會好似書展咁呀！ 哈哈，好傻）
今次首要目標係人人都講一定要早買O既餅卡！
美心／東海堂點都走唔甩啦，
另外，中餅都要買啲，過大禮同比擺酒要比自己親戚吖嘛！
１點多入到場，餅卡區無人排O既先攞晒PROMO單張，
走去奇華排隊尾先，跟住計數。
最後，西餅都係決定遲啲買$36.50一張O既；
而中餅，收獲如下！ ＾＿＾
完成首要目標之後，就開始睇吓其他嘢啦！
一直想開個聯名戶口，就去CITI BANK聽吓，就係咁開咗戶啦。
應該，下年開始一齊為未來的家，喺同一個戶口儲錢啦～ ＹＥＡＨ！
接住，就係PREWEDDING啦，一直想去韓國影相，
妙子同三哥都鐘意韓國人攝影風格，婚展前一直做功課，
為O既就係今日。於是，一路問咗幾間AGENT，一路喺心裡面格價。
最終，都係無即場JOIN。因為？OUT BUDGET 囉！
（其實做功課時，己搵到個合BUDGET O既AGENT，嘻嘻）
就係咁，由一點行吓企吓，直踩到夜晚九點！
攰呀～
其間，有兩次婚展（８月會展＆９月九展），
但係妙子同三哥都因種種原因miss out咗。
今次，１１月會展搞，即刻問吓酒席酒家有無飛可以比我哋入場。
就係咁，又慳返４張飛！ 嘻嘻！
同三哥喺尖沙咀食完季節限定O既蝦堡後，坐船過海到會展。
嘩，呢年多變咗鄉下妹O既妙子，唔出城真係唔知，
渡海輪依家要 $3.70 先過到海呀！
仲諗住可以做慳妹添．．．比三哥讚吓O架嘛。
回正題，去到怕人多O既三哥即刻鬆咗啖氣．．．
（原來，佢以為婚展會好似書展咁呀！ 哈哈，好傻）
今次首要目標係人人都講一定要早買O既餅卡！
美心／東海堂點都走唔甩啦，
另外，中餅都要買啲，過大禮同比擺酒要比自己親戚吖嘛！
１點多入到場，餅卡區無人排O既先攞晒PROMO單張，
走去奇華排隊尾先，跟住計數。
最後，西餅都係決定遲啲買$36.50一張O既；
而中餅，收獲如下！ ＾＿＾
完成首要目標之後，就開始睇吓其他嘢啦！
一直想開個聯名戶口，就去CITI BANK聽吓，就係咁開咗戶啦。
應該，下年開始一齊為未來的家，喺同一個戶口儲錢啦～ ＹＥＡＨ！
接住，就係PREWEDDING啦，一直想去韓國影相，
妙子同三哥都鐘意韓國人攝影風格，婚展前一直做功課，
為O既就係今日。於是，一路問咗幾間AGENT，一路喺心裡面格價。
最終，都係無即場JOIN。因為？OUT BUDGET 囉！
（其實做功課時，己搵到個合BUDGET O既AGENT，嘻嘻）
就係咁，由一點行吓企吓，直踩到夜晚九點！
攰呀～
ｈｍ。ｗ 尋找。男禮の①
三哥個子雖然唔係標青高大，但喺妙子眼中，都係好型仔！
（唔好意思，自我陶醉中＞▽＜）
而三哥就對自己身型有啲不滿啦。
所以喺婚禮big day，妙子唔比俾男主角三哥失色！
喺三哥堅持O既大方向吓，努力咁搵吓，男禮有邊度可以平、靚、
等三哥都做個自信型男！
首先，梗係喺web度做吓research，12 inspired 成為妙O既大熱首選。
知道租衫價錢係三哥指標中，都屬於貴嘢。
於是，同三哥去睇12 inspired之前都行吓其他有西裝賣O既舖頭。
ｈ＆m，G2000，同Zara成為走唔甩必睇之選。
走完一轉呢幾間舖頭，覺得自己著唔到西裝O既三哥竟然喺G200
呢套西裝簡約得黎又有details，唔會過於潮流，
著上身後仲好fit，好修身，三哥自己都好意外，幾鐘意，
你哋睇吓覺得點？
嘿嘿，之後再帶三哥去12 inspired睇吓，毒吓佢先！ ＞▽＜
2013年10月26日星期六
ｈｍ。ｗ 心靈準備：婚前輔導のPREPARE ①
較早前，都有分享過，妙子同三哥會接受婚前輔導。
原本，第一堂係上週日O既，但係上週六發生咗個事情，
三哥令到妙子生蝦咁跳，最後，妙子決定唔上、走路！！
過兩日後，妙子調節返心情，適逄三哥生日，
咁就借機主動搵返三哥啦。
三哥比妙子嚇壞了，同三哥傾返件事O既感受同對策，
重新約返牧者，喺今日進行第一堂婚前輔導啦。
七點鐘返到教會，牧者梗係唔會同我哋入正題啦；
上星期咁樣無啦啦缺席，要妙子過返發生咗乜事，
同埋下令（建議啦）要我哋做個Countermeasure，
俾我哋下次再有同樣情況時，可以有後著，唔駛自我燃燒（邊個都好啦）。
跟住入正題－＜＜婚姻前奏＞＞
每次我哋上婚前輔導時，其實都要做功課。
而第一堂，當然就係寫返妙子同三哥O既愛情故事啦，
仲有就係問，點解依家覺得係適合結婚O既時間、
婚姻對自己O既意義、自己同對方O既長／短處點對幫助／影響關係。
過程中，妙子同三哥要互相對讀我哋O既愛情故事，
讓我哋倆個重新回味咗呢一年種種O既甜蜜同高低起跌O既經歷。
讓我哋肯定，我哋願意走埋一齊，唔係玩玩吓，
而係為對方O既生命有付出同承擔。完咗咁就九點．．．
依家，妙子認清點解依家係適合可以同三哥走落去O既原因：
由初初乜都收係心唔講，到依家（雖然係有情緒）可以即時同三哥講；
呢個係好重要O既因素同轉變，因為可以比三哥知道發生緊乜事，
讓妙子有空間，唔駛兩個都好辛苦／無奈。
感恩天父的準備，願天父繼續建立。Amen
＜聖經＞ 以弗所書４：２－３
| 凡 事 謙 虛 、 溫 柔 、 忍 耐 、 用 愛 心 互 相 寬 容 、 | ||
| 用 和 平 彼 此 聯 絡 、 竭 力 保 守 聖 靈 所 賜 合 而 為 一 的 心 。 |
2013年10月22日星期二
ｈｍ。ｗ 確定。禮服（初決定）：Zinnia Bridal
今日，三哥生日，亦係妙子同三哥的和好日。
說來話長，簡單講上週六晚，妙子因三哥唔夠細心，
感覺被忽略而嬲都FB都UNFRIEND佢，
接住週日約定的婚前輔導（早在二個月前約定和牧者約好時間的）也選擇缺席。
幾日唔講電話，實在掛得不得了。
而，三哥今日又生日，尋晚就SEND MSG傳遞祝福心意。
今日講返嘢，三哥順勢就約妙子為佢慶生。
生日吖嘛，放工就約三哥去太子鉅扒。最後，仲係三哥埋單添．．．
（我家三哥真係唔話得，呢件事佢唔係有心，
只係大意，但都忍耐住妙子O既巨大怒氣，仲要不計較約返妙子；
妙子真係要好好注意同改善吓呢個臭脾氣！）
食完飯，諗住去旺角樓上書局睇吓書啦，三哥鐘意吖嘛；
點知三哥見到我哋SORTLIST咗其中一間O既禮服店，
就話：「旺角得呢間，不如上去睇多次，下次唔哂黎啦。」
於是就再次黎到呢間禮服店－Zinnia Bridal。
今次上去係呢一位叫Angel O既姐姐serve客人，佢仲忙緊，
仲好，我哋可以自己隨便睇。
燈光問題，上次到訪睇唔到啲衫殘唔殘；
今次其實都係睇唔到，但因為可以自己隨便睇，
於是，除咗摸之外，妙子仲拎咗十件八件衫去白燈底下睇。
都新淨，咁就考慮呢間啦。
後來，個客走咗Angel得閒serve我哋，
問咗我哋concerns，同了解咗PACKAGE後，
就take佢FREE試３條裙，試咗１WG + 2 EG。
（主動FREE咗拖尾錢，潮掛錢同埋比我哋啲衫可以分兩日用）
試咗上身O既衫，都係鐘意，係差敬酒O既大紅 EG 未係最啱心水。
FREE HOLD咗O既 EG。
過年後，上去再睇，定第一次款先，期待！
試咗上身O既衫，都係鐘意，係差敬酒O既大紅 EG 未係最啱心水。
FREE HOLD咗O既 EG。
我的THE ONE，一TAKE OK，LACE上身，下身紗裙，無閃石。大愛款！！
2013年10月18日星期五
ｈｍ。ｗ 尋找。禮服
下年宜結婚，巿道好，大至婚宴場地，小至囍帖利是封，
都不徨無生意，接近年尾通通都揚言加價。
為免婚禮開支不斷上升，比較大額價錢o既項目先定到就趁依家定。
妙子列為大額價錢項目有 1)婚宴場地(酒席、禮堂)，2)當日攝影，3)當日MUA，
4)PRE-WEDDING，5)禮服，6) 餅卡，7)結婚對介， 8) 花車同埋，9)印刷。
目前
1)-3)己經ＫＯ咗（其實仲差個禮堂，多要婚期一年前先可申請無得搞＝＿＝），
4)TARGETED,商議中，
6)-9)喺婚展度決定；
所以，呢２、３個星期為住5)禮服而奮鬥。
由上網睇呀睇，唔知睇咗幾多間，
到落舖睇呀睇，妙子同三哥睇咗十幾間；
睇o既主要喺尖沙咀區，其他地區都有睇過啲。
我哋都只係上一上去，望吓衫相，衫實物同價錢；
唔會評論好多Details，不過我相信大家想知多啲都可以喺網上搵到。
尖沙咀區
Mia Sposa (https://www.facebook.com/#!/miasposa)
Designer Gown款式，衫(WG & EG)新淨，價錢中上。
大路款式，選揀量適中，衫(WG & EG)較殘舊，價錢大路。
藏愛 from 台灣 (https://www.facebook.com/#!/hk.truelove?fref=ts)
台日款式，選揀量極多，衫(WG & EG)新淨&好挺身（店員話因為做埋骨身入裙度），價錢貴。
Je t’aime Beaucoup囍愛一生(https://www.facebook.com/#!/jetaimewedding)
歐陸款式，選揀量多，衫(WG & EG)新淨&挺身，價錢中上。
大路款式，選揀量多，衫(WG & EG) 新淨&挺身，價錢大路。
Charming Image (https://www.facebook.com/MyFairLadyMovie#!/charmingimage)
大路款式，選揀量多，衫WG較殘舊／EG新淨，價錢大路。
大路款式，選揀量多，衫WG較殘舊／EG無睇，價錢大路。
Barbie wedding (https://www.facebook.com/#!/babiewedding)
大路款式，選揀量較少，衫(WG & EG)新淨，價錢大路。
大路款式，選揀量較少，衫(WG & EG)新淨，價錢中上。
HeannaBridal (https://www.facebook.com/#!/heannabridal)
Countryside/vintage款式，選揀量較少，衫(WG & EG) 較殘舊(應該係style路線關係)，價錢中上。
其他
Zinnia Bridal @ 旺角 (https://www.facebook.com/#!/zinnia.wedding)
大路+(部分)歐陸款式，選揀量多，燈光關係衫(WG & EG)判斷唔到佢新／舊，但挺身，價錢大路。
Amazes Wedding (＠葵涌) (https://www.facebook.com/#!/amazeswedding)
大路款式，選揀量較少，衫(WG & EG)較殘舊，價錢大路。
PS價錢指標 (10件PACKAGE)
大路 $700-$850/pc
中上 >$850/pc
貴 >$1000/pc
訂閱：
留言 (Atom)