Hoille。新階段。攜手共走: 9月 2013

2013年9月26日星期四

ｈｍ。ｗ尋找。當日MUA

籌備婚禮，首先要確定o既三樣嘢（比人Book咗就要揀其他較次級o既心水嘢）： 1)場地 2)當日婚攝 3)MUA　　1) & 2)都已經定好，就只剩3) MUA。

揀MUA話易唔易話難唔難，妙子身邊o既姊妹都有唔少準備結婚／己經結咗婚。所以由兩、三年前左右，在幫佢哋眼o既同時，見到啲自己鐘意o既MUA就會記底佢；原來唔覺唔覺都儲咗成廿幾個，真係好似儲明星YES卡咁。哈卡卡卡卡！！　　　而，今日終於用得著啦～

於是就喺個SORTLIST重新睇一次時，發現呢幾年妙子o既喜好都變化得幾大。由以前鐘意日系KAWAII SWEET到依家鐘意NATURAL SWEET，由極愛超大眼＋粉紅頰，到鐘意簡樸自然唔誇張，覺得舒服自然就好了。所以SORTLIST＋再睇吓其他SIS分享後，最終揀咗以下o既MUA問期。Lucky，全部MUA喺2014.12.21都有期呀！

事關開支，鐘意而又有名氣o既，建議放最後先問，因已有名氣o既MUA經驗豐富，價錢亦都相對高啲。以下係妙子問過o既MUA；佢哋個共通點係，以清雅妝容為主，我相信佢哋都可以俾返我自己個樣我! (好重要，三哥唔要娶第二個女人喎=,=)

Elise Yip @ El's make up (https://www.facebook.com/elsmakeup)

ginko o既出師弟子，commercial 都有接。變化都好大。

KAYLEY BRIDAL MAKE UP (https://www.facebook.com/pages/KAYLEY-BRIDAL-MAKE-UP/128909563791896)

努力鑽研髮形o既MUA。好多髮形相update哦!

Kiko Li 's Makeup (https://www.facebook.com/kikolimakeup)

日系feel啲；但因妙子頭形（後尾枕係扁），kiko o既髮形未必適合妙子了。唯有放棄。

Kimmy Image (https://www.facebook.com/KimmyImage)

她手下的新娘子妝容都極之清雅，有氣質！都有韓式化粧；package就無早＋午＋晚可以揀。只有full day。　如果，TikTik唔啱，就book佢試～

TikTik @ fimakeup (https://www.facebook.com/pages/FiMakeup/201500416559972)

Fion Fi o既MUA，commercial 都有接。新娘o既妝都工整，她的髮形都好多變化 !　妙子book咗佢試妝。因為佢早＋午＋晚package，可以多幾百蚊駛落其他度！

另外，妙子都鐘意以下MUA o既妝。

Sandy Wong @ MerryMarry (https://www.facebook.com/pages/MerryMarry-Makeup-Artist/193165370760218)

但係佢好有名氣，所以無問過。

May @ Chong makeup　（如果真係試唔啱先會揀）(https://www.facebook.com/may.chong.357)

又係好有名氣；日台系大眼娃娃新娘妝，統籌表妹o既MUA 。當日出黎效果都好好，變化大，每個妝都不同形象。聽講仲好快手添！好多SIS都想book；所以，我估計2014.12.21已經無期。

2013年9月24日星期二

ｈｍ。ｗ確定。當日婚攝：Camby Photogaraphy

之前，一篇文分享咗，妙子同三哥睇中o既當日婚攝心水。

話咁快，三日內就定實咗啦。

我哋會揀統籌夫婦用過o既Camby Photogaraphy，

呢個係妙子同三哥動真氣爭咬咗兩日o既結果。

１）揀Camby除咗統籌夫婦用過對佢哋極讚，有口碑外；

妙子當日係姊妹，全日跟足統籌夫婦親自接獨同觀察，

對Camby團隊o既服務態度同熱誠都好欣賞，有信心。

２）有信心還有信心，團隊o既成品都要合心、滿意先會揀。

妙子睇過Camby團隊o既成品（其中有２對人係妙子識得）。

唔係會識飛，但成品亦唔係馬虎，求其之作。滿意！

　Camby展示作

（都是當日照，人人都開開心心的！）

↓↓↓↓↓↓↓

３）另外，佢哋package夠全面，明碼實價無hidden charges。始終，婚禮好多錢用，當日流程（時間）又未定實，如果有OT錢要俾，婚攝團隊唔係一／兩個人（2P1V；可能仲有assistant)，每個人頭咁計OT時，最低消費閒閒地二千～，真係一額汗。所以，人頭多o既SERVICER，都係明碼實價好，多啲安全感。

就係咁，又ＫＯ咗一樣嘢。以下係妙子同三哥所揀o既package：

1 standard (Camby Team) + 1 snap shot (Camby), 1 assistant
1 HD DSLR videographer, 1 assistant
same day photo slide show
childhood MV

online highlight album

deluxe DVD set

unlimited photos and will be edited with .jpg format

video will be edited in full day & MV version

no extra charge for church ceremony, outdoor session, and OT

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

題外話：

唔知大家對大日子o既婚禮有乜嘢要求呢？

妙子同三哥為此爭咬咗好幾日，搵到大家好唔開心。

結婚，籌備婚禮要花費唔少；樣樣都係錢，眾所周知。

所以，開始呢個計劃之先，妙子同三哥都會做budget plan（相信大家都會咁做），

但有plan之後，大家有無因為對plan o既彈性標準唔同，而發生衝突？

經過揀當日婚攝呢件事，妙子想同大家分享新人喺駛錢上點取得平衡。

多數（包括我家三哥）男人對駛錢會比女人審慎，對於plan咗o既數字，

盡量要達到每個項目唔超標，而餘下o既就最好儲埋佢留返係未來用。

但係呢女生們（妙子啦 ^ ^::）卻又會諗點解唔係最終條數係為持係個plan入面就得？

將呢個＂慳咗＂o既錢可以用喺其他方便。

因為咁，妙子同三哥爭持咗好幾日，係咁搵婚攝團隊，搞到大家都身心疲累。

其實問題都唔係喺團隊質素上，而係應該用幾錢　＝＝：：

三哥一直知妙子想去韓國影wedding portraits，而如果做呢件事，預計會用攝影budget o既三分之二。

但係揀攝影時，我哋卻又要揀當日婚攝先。（因為團隊個日就個日，比人book咗就無，但wedding portraits可以就日子影。）

所以當妙子show 自己心水當日攝影list比三哥睇時，個個都話貴，超標。（因為三哥就以budget o既三分之一價錢做指標）

堅持，二個攝影有關項目加埋唔可以超過個budget plan。

但係妙子睇到原來呢o既budget，要搵到心宜o既當日婚攝＆wedding portraits studio，係好難兩存其美；

而妙子預計MUA嗰度可以慳４０％錢，想放入攝影budget度。

問題因而發生，爭持幾日。甚至，妙子決定要放棄影wedding portraits。

覺得係用錢價值觀上分歧好大，傾唔到計；婚禮籌備都要停一停，再調整。

但當妙子同三哥喺訂酒席當晚，去金都睇咗一睇，三分之一budget o既既當日攝影／wedding portraits o既成品；

三哥明白了妙子o既感覺，睇法同希望；先至confirm咗Camby Photography。

依家我哋決定會再努力去搵吓，啱心水o既wedding portraits studio啦。

我估大家一樣會預到好多相同問題。加油，支持你哋呀！

「你要保守你心，勝過保守一切，因為一生的果效是由心發出。」

聖經－箴言4：23

2013年9月23日星期一

ｈｍ。ｗ確定。宴廳：鴻星＠新世紀廣場

經過三次場地視察後，妙子同三哥（＋顧問：統籌婦夫）經過一番討論後，

終於在兩間心水場地中，選出我們o既晚宴場地；一行四人走去場地作最後相討＆落訂。

經過２小時o既長時間傾談，終於達成協議。

而，我哋o既大日子場地係，鴻星　旺角店＠新世紀廣場。

妙子同三哥決定呢個地方係因為

１）衛生：眼見地方企理、整齊；妙子好怕地方唔整齊。

２）菜價：２０１４年o既菜單己出，唔計改菜單／其他特別安排，價錢定實比我哋可以控制預算吖嘛。

３）地點：近地鐡站／東鐡線，方便親友返家。

４）硬件配套：位於新世紀廣場，有電梯／LIFT直達，可讓行動不便親友出入。

５）場地裝修：妙子同三哥都愛和諧暨舒適o既大地色；一年後都唔會好殘舊。（有啲場地間隔其實都好四正，不過裝修色調唔係妙子同三哥首選…）

而呢個場地，唔合妙子個人心水o既就係其間隔（礙於建築設外無得改變），

它是扇形場地，而中排位有柱位，有些席位儐客未必可以直視舞台。

最後，多謝我哋o既統籌婦夫，同＆陪我哋一齊去分析，比意見同講數＞▽＜，

比亳無頭水o既我哋知道多啲，了解要注意乜，我哋自己又想要乜，在意乜。

所以，建議準備結婚o既新人們，請對夫婦做你哋o既統籌（佢哋有經驗）；

比你哋有個方向，同喺２個人爭咬時，幫你哋做調適。四個人一齊學習＆實踐愛o既功課。

祝褔你（哋）。

「我們曉得萬事都互相效力，叫愛神的人得益處，就是按他旨意被召的人。」

聖經－羅馬書８：２１

2013年9月21日星期六

Hello，各位，
當妙子同三哥搵晚宴場地，搵到咁上下時，
我哋都幾確定大日子的日期了。

於是，妙子同三哥就係咁努力地搵當日婚攝o既心水。因妙子和三哥，會在教堂行禮，需要的團隊要早、午、晚、仕日服務，中場只有放飯時間可以休息。遇著我哋o既團隊會辛苦了。不繼睇呀睇，睇到啱o既先問期同價錢，我哋問過o既如下：

123cheese Production (http://www.123cheese.net/blog)
這是朋友用過，價錢中上位。有期。妙子好欣賞朋友o既成品。再睇佢哋其他作品，都係妙子鐘意o既風格。影底結婚當日新人和儐客o既喜悅。

Camby Photogaraphy (https://www.facebook.com/CambyPhotography?ref=profile)
這是統籌夫婦用過，且極力推介的一間；相片拍得鮮明、細緻，價錢中價位。有期。妙子本身都對呢間studio好有信心，因為妙子做統籌夫婦姊妹時，親身睇過佢哋對工作o既熱誠。欣賞佢哋工作態度、團隊又鬼馬。見過佢哋放出黎o既成品時，都十分喜愛。

JOY's foto (http://www.joysfoto.com)
價錢實惠相宜，可惜我們的日子沒期了。

Pal Photography (www.facebook.com/PalPhoto.hk)
三哥搵到o既一間，相片拍得鮮明、細緻，留住各人o既每刻真情。有期。但，package coverage略欠全面，只有精華片段，未有full day video作回憶用。

Together．一囍 (https://www.facebook.com/gotgh)
這是三哥朋友推介的一間，價錢都係相宜o既。有期。不過，妙子睇呢間studio放出黎o既相時，真係唔明白點解會有啲相奇奇怪怪咁。原來，佢哋有三個攝影師，我哋揀咗佢哋o既阿扁問價。

Vision Wedding & Production (http://www.visionwedding.com.hk/blog)
無意中發現o既一間，相片清新明亮，很吸引人的眼目。有期。要乎合妙子同三哥需要後，佢哋o既價錢變成中上位了。

2013年9月20日星期五

ｈｍ。ｗ尋找。宴廳③

各位，中秋節快樂。

今晚，妙同三哥又出發去見多個場地，
順便就到心頭首選度，了解吓佢哋個婚展優惠。

譽宴　旺角店

呢個場地好四正，裝修西化，唔殘舊，妙子同三哥都好喜歡。
婚禮專員仲講我哋知下年四月會裝修，五月全新開形象營業。
image如下：

硬件係好理想，但最後，妙子同三哥無將呢個場地列入我哋o既心水list入面。原因有二：
1)服務態度，唔知係咪因為中秋關係，迎儐過程不理想，我們不斷被轉介，但無人知道我哋o既目的，要重新講幾次。　
2) 菜單價錢，比起其他酒席，呢個集團係貴啲，呢個我哋係知道o既，不過加上1)時，我哋更加唔會考慮。

之後，再行返去我哋心水場地，了解吓佢哋個婚展優惠。呢晚另一位同事follow我哋，除咗集團優惠，佢哋仲主動offer咗我哋一個幾重要o既優惠，以表誠意。如果，唔係統籌夫婦再三叮囑千其唔好自己兩個去開單，妙子同三哥就會即刻落訂啦～

2013年9月16日星期一

ｈｍ。ｗ向上啓奏之④

今日，妙放工約咗朋友夜晚食飯之o架，
但同三哥傾過未來幾日o既時間表之後，
都係決定先去一去三哥屋企，
同三哥屋父母，品報我哋o既決定先再去街。

點知，三哥今日加班，夜咗先返到屋企。
三哥老爸己返工去了。咁只好，同三哥老媽講啦。
唔想再拖啦，早啲同佢哋講，
比兩位老人家諗吓妙子同三哥希望o既日子得唔得，
早啲知就早啲比意見，同諗吓佢哋想要幾圍酒吖嘛。

三哥老媽知道後，同三哥講：你結婚梗係好呀，我想你結婚幾耐呀！
就係咁，我哋o既日子定實咗係2014年12月21日了。

最後，回想啓奏過程實在感恩，
妙子本身諗住，妙子屋企人會覺得三哥同妙子決定結婚太快，話晒只拍拖一年。
但四次品奏過程都好順利，他們亦支持；對結婚日子，亦都無意見。

距離大日子，還有一年三個月，讓大家支持我呀！

2013年9月15日星期日

ｈｍ。ｗ結婚公仔

呢個係妙子在一年前買返黎o既代表妙子同三哥o既公仔ーTokyo Disney o既Unibearsity　Whip & Puffy。

決定結婚後，妙就決定用呢對公仔代表我哋。
但係就差套禮服；當時，Tokyo Disney無為Whip & Puffy出禮服，所以一直好苦惱。

日前，妙o既日本友人計劃到香港；於是，妙子又走去Tokyo Disney Store睇吓。
噢！Tokyo Disney Store竟然為Whip & Puffy出咗套結婚禮服！
就請朋友仔幫妙子帶過黎香港。

↓ ↓ ↓

攞到手，返到屋企，馬上為Whip & Puffy換上新衣。即時醒目晒！　

雖然，呢個幾星期，不斷咁睇結婚o既資料。但係，當睇住對公仔，先真係真真正正開始感受到自己係待嫁新娘呢。

2013年9月14日星期六

ｈｍ。ｗ尋找。宴廳②

今日，繼續為咗視察場地，走到去尖沙咀，行咗個圈。
主要都係睇煌府o既場地。

先到，近佐敦o既１８８店。

煌府　１８８店

妙子同三哥一去到１８８煌府時，話想睇吓婚宴場地，店員就好主動咁轉介我哋比佢哋當日注場o既婚宴部專員，向我哋介紹場地設施，酒席菜單。場地間隔間都唔錯，專員推介翡翠廰比我哋。

妙子同三哥對個場地o既服務都好欣賞，就只係佈置以紫色為主。（我哋都覺得有點過紫，顯得有點俗氣）

鴻星　海港城

接住，妙子三哥行到去海港城o既鴻星。星期六中午茶時間，好旺，員工都無乜時間serve，所以只係望吓個場地大細，攞咗張卡片就走人了。但係呢，呢個場地o既大細四四正正（妙子大愛）、圍數都好適合妙子同三哥，我哋都好鐘意。可惜明年８月後，佢哋有計劃裝修，未可以release之後o既期比客人。

再黎，又係煌府。

煌府　帝后廣場店

呢間店係煌府o既新店，上個月先至正式開張。裝修以紫色為主同好閃，間隔都ok。單睇店面可以o架。

但係，加埋配套考慮時，呢間店o既位置有啲遍僻，而且地下有印度人開啲o既舖係度，等lift時有陣陣印度香料味．．．　妙子同三哥唔太接受。

煌府　幸福中心店

最後，我哋再走到對面o既幸福中心店，上到呢間店，妙子同三哥都眼前一亮。呢間店的間隔係我哋理想o既，可以兩個廳都成為獨立一角。

另外，睇咗咁多間煌府主要係用紫色佈置；當然，呢間店亦唔例外。但點解我哋會眼前一亮呢？因為，呢間店o既兩個廰都係有一邊係窓，令成間點好光猛，少咗好多紫色o既佈置。整體感覺好咗好多。

而當，我哋同婚宴專員傾多啲時，知道咗呢度的flexibility都好大，更加吸引我哋。被我哋例入考慮之一。

除咗呢幾個，仲有啲場想睇吓。希望可以同三哥抽到時間，去睇埋；同我哋o既統籌夫婦再開會後，就訂場啦～

大家，請記念妙子同三哥！

ｈｍ。ｗ尋找。宴廳①

尋晚，我哋開始走去睇場啦。
其實，唔係原定計劃黎，只係即時興起走去睇。

三哥早幾日就己約妙子放工去九龍塘心水餐廳食晚飯，
見我哋食完飯都係七點鬆啲，
於是妙子提議落旺角做吓功課，視察場地。
按記憶睇咗兩個Shortlist咗o既地方。
LUCKY!!　兩個場喺心水日期都仲available。

煌府旺角道店

位置近大角咀，豪華戲院旁邊。我哋由旺角mtr B出口街，大約二個街口位度啦，唔會離地鐵站好遠。會感覺己經偏離彌敦道，有少少偏迫。

做功課時，睇到呢個場係四四正正，正方形，無柱位。
欣賞佢呢個設計，每圍賓客都可以正接見到主禮台時，
新人又可以見到枱下o既動況。所以，決定去現場視察吓。

妙子同三哥都認同，呢個場地同做功課時一樣，四四正正，，無柱位，設計係幾理想，但裝修就比較殘舊。另外，妙子個人就好在意，等lift時（到離開）已經聞到o既濃烈漂香味（無記錯的話，一樓係娛樂雀館）。而三哥就認為等lift位、lift入面同場地大堂入口都唔係咁得體。

前前後後只係留咗十幾分鐘就離開了。跟住shortlist咗o既場地，記憶中都係尖沙咀，但三哥就就按剛剛o既經驗，我哋都唔係好記得要睇啲乜，問啲乜，不如返屋企整埋吓我哋睇過o既資料，print出聽日先落尖沙咀睇。就係咁行到去旺角新世紀時，妙子記起早兩日經過呢度間鴻星，印象ok。於是返屋企前都同三哥去睇一睇。

今晚睇o既第二個場：

鴻星旺角店

位置係旺角新世紀廣場，旺角東站出閘後、喺大堂有lift直達八樓鴻星。非常方便。

場地設計，就係扇形。賓客都要咁樣斜斜地望向地了。

同經理傾過一陣，員工比我哋o既感覺佢哋都好老實。雖然，場地設計唔係咁理想，但妙子同三哥都對呢個場地感覺良好，而鴻星o既食物質素都係佢優勝之處，值得考慮。

2013年9月13日星期五

ｈｍ。ｗ尋找の準備

自上星期同我哋的統籌－ｋ表妹同佢老公小白表妹夫傾咗成晚後，妙子同三哥決定要開搵晚宴酒席o既場地。

為咗可以盡快可以定到場地，妙子今個星期不定咁做功課，
每晚都爬格仔，係咁睇，睇、睇，睇咗啲搵場地要注意事項同場地資料。當妙子見到有用o既資料，都會成個WED SAVE起唔同o既分類folder，方便可以日後睇番。
（唔會只save條link，以防之後條link唔見咗！分folder，係方便自己。過了幾星期，太多資料時，就會唔記得咗睇過咩，再搵就浪費時間。。。）

當睇咗唔同前輩o既經驗分享時，搞到自己好擔心搵唔到心水o既晚宴場地，成個人日有所思，夜有所夢，好有壓力。
仲因為咁，向三哥發出警告，要佢上心啲。

其實，只要上網睇，都會有好多資料可以搵到。
（真係要多謝各blogger o既無私奉獻）
係準備呢個過程入面，妙子感受到當中過程o既煩心，
所以都想同將來o既大家分享，喺搵晚宴酒席o既場地時，
妙子同三哥會注意o既事項。
（啲問題，都係blogger o既分享度再edit到適合我哋）

要先決定
1. 圍數　（大約就好，方便TARGET自己o既場地）
2. 日子　（有就最好，無就可以打去先問個場，有邊年邊月邊日有期都可以o既）
3. 區域　（新人最好有心水區分，收窄範圍，減省SORTING時間）

基本類 （可以先在internet／用電話向心水場地查詢）
1. 有冇期？　
2. 幾錢一圍? min charge幾多?幾多圍包場？（cash flow，走盞位黎呀，都重要）
3. 菜單價錢是否會隨著市價變動? 　
4. 有冇加一？可否免加一及荼芥？免加一係所有野全免？
5. 除加一小費外，有否其他另外收費用的項目，如有請列明，否則註明不需額外收費
6. 幾時大訂，幾時final confirm 菜單
（pt 3-6 必須知道及定實價錢，以免婚期時才知自己over budget）.
7. 是否可以分期付款? 用支票, 銀行本票, 禮券, VISA, EPS,(可否幾樣夾埋), 如有以上服務是否需要另加服務費?
8. 收唔收卡？邊張卡有優惠？結帳時信用卡免手續費可碌多少？（以可儲信用卡積分／CASH DOLLAR可以當錢駛，好有用o架）
9. 縮圍最多可以縮幾多圍?　可否取消, 退款方式或是後補再食, 如後補限期多久?
10. 如增加席數, 酒樓有多少位置給加席?
11. 圍數幾時要confirm ?
12. 如遇風暴 / 黑雨或意外，訂金如何處理
13. 取消訂單提前多久通知
（pt 9-13 酒席o既 flexibility對決定落幾圍訂都重要）.
14. 交場時間？幾時開始service及結束時間。
15. 最遲幾時要交場？OT要唔要收費？到時重有冇lift。
（pt 14-15 會影響當日rundown，都要知道吓呀）
16. 套飺內有否包括 : 多少喜帖, 賓客名冊, 主禮人襟花, 椅套, 簽名紅布, 簽名毛筆, 糖果, 瓜子, 酒水, 香檳, 結婚蛋糕 (多少層, 是否只供影相), 茶芥..?附送項目必須得到確認, 必要時於單上列明. （唔好睇佢咁濕碎，小數怕長計，計計埋埋可能都一萬幾千蚊架）

到睇場時需要留意：
1.員工服務態度.
2.樓底會唔會唔夠高, 感覺得侷促.
3.個場是否迎合我的圍數, 會唔會太迫 or 太大
4.場地燈光會唔會過暗.
5.新娘房位置，有咩設備？有冇獨立廁所？(應近佈景板)
6.環境 & toilet 衛生.
7.餐具 & 桌椅 & 擺設會唔會好殘舊.
8. 廚房位置　(太遠d食物會唔夠熱)

之後，真係搵到心水場時，埋身了解／傾約時，需要留意：

菜單類
1. 每席十二人，多左人數點計？
　如某些席數有十三人，件數的菜式(如蟹鉗)會否加碼，費用又會怎樣計？
2. 如果唔食翅，可否轉其他花膠或燕窩？價錢點調整？
3. 菜式必須列明 : （要mark喺張訂單度）　如清蒸紅斑, 不要什麼海上鮮(註明幾重), 魚翅要列明雞絲生翅或鮑魚生翅　(當中列明等級及份量) 　轉菜加幾錢？蟹皇翅/海星斑/合桃露湯丸
4. 如有客人要素菜點計?
5. 合時鮮果指咩生果？果盤定係橙／柑？代訂要幾錢？

酒水類
1. 包唔包酒水？酒水任飲多少錢？任飲是否包乜？橙汁？紅／白餐酒？(通常每席加$150-$200)
2. 橙汁／啤酒／汽水係乜牌子 ?
3. 有冇送紅酒／烈酒？可否任意配搭？
4. 酒水任飲幾時開始，是否開席後？(最好5時左右) 酒水PLAN是否己包括加一?
5. 自儶紅酒，洋酒要不要開瓶費？紅酒、烈酒分別幾多錢？免開瓶費的話有冇 Quota？

場地類
1. floor plan：當日俾邊個位置，有無指示牌比親友，易唔易入去。　（如間廰房，留意佢點間，柱位係點。）
2. 有冇圍板? 到頂(會隔音D),　定活動?
3. 每席相距幾多? 　(不要太迫)
4. 邊位負責follow-up 當晚的rundown
5. 每圍有幾多位侍應serve我地? 額外增加人手費用多少?
　有冇專人負責 PA? （最理想：每席確保最有一個待應生，主家席2名待應生）
6. 廁所位置及數量？廁所衛生環境？
7. 迎賓位置? (可否較大, 方便放油畫)

席前安排
1. 入座前小食及飲品是否收費？是什麼？幾多件？
2. 所有席前或席後粉麵酒水如不贈送, 可否自備?
3. 結婚蛋糕送幾多磅 (用來食那個)?
4. 自攜西餅或蛋糕是否收錢？自帶西餅，會否有人幫手service D 人客
5. 幾點有人幫手招待荼水? 是否席前已包酒水?

道具及其他
1. 有幾多張請帖送? 是否包印刷?
2. 有冇回門乳豬？
3. 有冇假蛋糕？
4. 有冇蛋糕枱？
5. 有冇油晝架？
6. 有冇中式茶具(敬茶用)？
7. 是否有咪給司儀?
8. 有冇咩Equipment : CCTV 直播,DVD, VCD, Karaoke ?
9. 有冇追燈？
10. 如果擺 Photo Corner/Candy Corner 有冇額外既枱？
11. 有冇祝酒香檳？
12. 有冇 reception desk？
13. 有冇襟花送（鮮花定假花）？送幾多個？
15. 基本佈置包咩野？reception desk、每席佈置點樣、主家席點樣？鮮花定假花？Backdrop又點（是否包掛字 e.g. GARY & CHERRY ，如果自費要幾錢）？是否交場已佈置好？
16. Head table 同 guest table 枱布同餐巾既顏色，椅套顏色
17. 椅套是否免費？屈送全場椅套
18. 麻雀擺位如何? 會否限制枱之數目？是否已包括台紙, 籌碼, 台燈…? 有冇免費啤牌？
19. 嘉賓提名冊size？款色? 幾時要決定？
20. 進埸音樂有沒有得揀？可否自己安排音樂CD？
21. 之前一晚可否拿些東西來存放，eg 回禮小禮物,禮服,油畫,相簿個 d
22. 散席後可否留低一些東西第2日才取回？
23. 會唔會 Serve 額外既食物比賓客？如有人order席前order，必須經由主人家或新人簽名才可落單
24. 要唔要 BB櫈？
25. 可否預早幾日可以去試 Video, background music，仲可以睇下佢地既燈光？
28. 有冇專車接送？幾多點開始有？有幾多架？
29. 有冇泊車位？泊幾多架？可以泊幾耐？
30. 免費租掛係邊間公司？
31. 外租婚紗券係邊間婚紗鋪？
32. 酒店送乜房? 可否Upgrade？
33. 蜜月客房幾時Check in？

黎緊未搵場o既大家，都有少少預備功夫o既。
1. 圍數：最好問清楚 4 大長老要請幾多人。（定要有人名表，因為佢哋口講o既數到佢腦入面o既人數，唔知點解，緦係差一倍。）
2. 場地：老人家o既喜好／意願。　係咪一定要酒樓？酒店／會所可以嗎？
3. 4 大長老對無翅婚宴可以嗎？減廚餘婚宴 (6 度菜) 又 ok 嗎？
5. 要麻將耍樂嗎？
6. 一對新人對場地又有咩要求？豪裝／高樓底影相靚 D。
7. budget：你心目中可負擔既金錢又係幾多？記住要計埋酒水、茶芥、加一、椅套...etc.

祝努力中嘅大家，好快搵到適合你哋o既理想婚宴場地！
妙子同三哥都係努力中，為你把打氣，加油！

2013年9月9日星期一

ｈｍ。ｗ向上啓奏之③

今日寫，向上啓奏之③；
有睇開我個Blog o既朋友仔，
妳哋會估今日應詃係寫向三哥父母啓奏啦呱！？
可惜，我要say sorry，向上啓奏總共會有四集。
點解？　因為途中殺出一個喺妙子生命中，都好重要o既人，
當然，呢為人物都係要在優先報備席當中。

唔再賣關子啦，呢位就係妙子親愛的姨媽大人。
姨媽大人自妙娘過身後，梗直把妙子兩姊弟視為己出。
所以，當妙子告知ｋ表妹決定結唔後，
她馬上親切地提醒妙子要品告親愛的姨媽大人。

就這樣，妙子就約姨媽大人在過去的週六，去佢屋企食晚飯。
晚飯前一晚，親愛的姨媽大人仲打電話黎，問：
　係咪去佢屋企食飯？
　妙子係咪有事要同佢講？
　三哥去唔去一齊食？
妙子當然唔會喺呢刻講啦，要等到面對面講先開心吖嘛。

星期六當晚，ｋ表妹，小白表妹夫，三哥同妙子，
一行四人上到去姨媽大人屋企，
姨媽大人見到三哥同妙子時，己經笑到見牙唔見眼。
仲係咁話我哋知：ｆ表哥係咁叫佢出去食，
　　　　　　　　佢唔食，就要自己煮，係屋企食飯，好傾計啲。
　　　　　　　　（姨媽大人，有無咁心急呀！？你都唔知乜嘢事。）

食完飯後，姨媽大人就黎第二轉探口風行動。
話：喺屋企食，係煮得辛苦啲，但係又抵又好食，個個都食到飽飽。
　　你表哥仲係咁叫我出去，都係屋企食好，又可以傾計。
此時，我哋四個後生即時爆笑，
笑，姨媽大人o既熱切，
笑，姨媽大人o既急不及待，
既然係咁，妙子就順勢告知，妙子同三哥決定結婚啦。
姨媽大人當然變咗「四萬」啦！
但好快，就話妙子，點解係妙子講，
ｋ表妹叫姨媽大人當無聽過，
就係咁三哥就向姨媽大人正式提親了。
（三哥，辛苦你了，同一番說話要向女家講三次＞ｖ＜）

當晚，真係好開心呀。
姨媽大人有好多笑料，又笑又喊，
最搞笑o既係最尾問阿三哥：咁，你求咗婚未？　
再一次，四個後軰時間，ｗａｋａｋａｋａａａａａａａａ

********************************************

題外話：本來出門地點，仍在商議中。
但由於今晚姨媽大人o既一啲說話，
一直話要慳錢，所以抗拒租酒店出門o既三哥改變決定了。
決定，妙子出嫁時會租酒店出門，
好讓，妙子o既父家同娘家o既親人都一齊可以睇住妙子出門。

不過，妙老爹尋晚都主動提出，出門當日要租酒店，
話：我們o既窩居唔夠容納廿幾三廿人，同時係度出現咁話喎。　

嘻嘻，唔駛妙子出馬呢件事己經搞ｋｏ，
到時再揾酒店就得啦！

2013年9月5日星期四

ｈｍ。ｗ新腳點。開始

重要公告：Yahoo! Blog將於2013年10月30日進入唯讀模式，2013年12月26日關閉服務

經過評估全球資源及整體發展方向後，我們決定在2013年12月26日正式終止 Yahoo! Blog。為保障用戶權益，自2013年9月2日起，Yahoo! Blog將開放用戶的資料備份申請、下載、「輕鬆搬家」、通知我們新網址服務。

因為咁樣，要重新適應了！
大家，加油呀～

2013年9月1日星期日

ｈｍ。ｗ「愛的宣言 + 結婚證書」套

人結婚，我結婚個個都係會先搵①酒席，②當日攝影，同③ＭＵＡ，但我就先走去做手作。
哈哈，無他ｏ既．．．鬼叫我哋仲未同所有父母們品奏結婚o既決定咩。

回正題，截止今日，妙子做過八次姊妹團，
每次看見接新娘時，新郎所講o既愛的宣言，往往成為妙子對未來的向往。
妙子認為愛的宣言是，新郎對新娘①對過往經歷的回憶同埋係②對未來作出的立志。
因此，妙子好希望把愛的宣言的誓詞同我哋ｏ既結婚證書，好好咁保存起黎。
所以，對妙子重視一個獨有的（就是自家手作）證書套。

１）準備材料，如下：