ｈｍ。ｗ 向上啓奏之②

之前提過，妙子背景比較特別有兩個娘家，

所以決定結婚時要向①自家老爹(娘親病逝)+②六叔六嬸（＋嫲嫲）「啓奏」。

上個星期六向②六叔六嬸（＋嫲嫲）順利「啓奏」完畢，

今日就向①自家老爹據實陳明啦。

經過一番身體語言o既溝通後，

三哥終於表達比妙老爹知「我哋結婚」啦！！

妙老爹、即時笑到見牙唔見眼，開心得不得了。

妙心諗：「老爹你駛唔駛咁恨嗰女終於嫁得出呀！？」　＞▽＜

妙老爹，樂極忘形，以為三哥學識同佢溝通咁，

係咁以常速同三哥揮動佢哋雙手，講嘢。

三哥梗直一頭冒水喔～　於是向妙子投出ｓｏｓ。

其實，妙老爹想講我哋知，

唔駛擺酒，「留返」係住屋度。咁啫。

聽到後真係放心好多，可以選擇自由度又再高咗啦！

之但係，呢個星期，三哥同妙子講，

聽到六叔講話「當然擺到酒的話，他們更開心。」時，

三哥講，佢自己需然唔擺都得，但如果擺酒o既話，

除了六叔，三哥自己父母都應該會好開心喎。

咁樣o既話，雖然仲未同三哥父母講我哋決定結婚，

但係應該會擺酒了．．．

各位b2b，依家先搵2014 FALL（2015農曆年前）o既酒席，

會唔會好遲呀！？

我哋目標２０－２５圍呀，有無好介紹呀？

ｈｍ。ｗ 向上啓奏之①

終於，今日我哋向其一屋企人「啓奏」，我哋計劃結婚o既事啦。
妙子背景比較特別，有兩個娘家①自家老爹(娘親病逝)+②六叔六嬸（＋嫲嫲）。

今日，我哋呑奏o既係②六叔六嬸（＋嫲嫲），
佢哋知道後都很支持我哋o既決定。
開明地講結婚形式，按我哋能力籌備，
當然擺到酒的話，他們更開心喎。

即係話，佢哋都係想有飲宴，開心啲啦！？
不過，唔理點，有佢哋呢嗰開明o既支持，都感覺輕鬆啲。
我哋倆個屋企，以我嫲嫲地位最高，
嫲嫲唔介意，開放比我哋自己決定，應該好多事都好辨事得多。

下一步就係向我家老爹講LU。　

心靈準備 P&E： Prepare

話咁快就一個星期,由訂婚到今日足足成個月呢。
今日再同牧者見面,正式開始為我哋o既婚姻心靈做準備啦!! 

我哋今日主要係填婚姻評估問卷：PREPARE / ENRICH，
填咗成二百題，真係手仔都軟。

呢個PREPARE / ENRICH婚姻評估，
喺婚前輔導裏面，係嗰非常常用ｏ既材料。讀輔導ｏ既三哥都知道佢哋存在呀！
全部都係SCALE RESPONSES題，
唔係難填，只要按即時反應答就可以。

先答自己ｏ既個人背景等基本嘢，
跟住係主打內容，涉及自己”過去”，”現在”同”將來”ｏ既各種狀態及價值觀，包括：
處事方式，家庭（崗位＆計劃），戀愛，金錢，信仰，及性。
同三哥一齊填問卷時，發現自己的閱讀能力真係好低．．．
三哥比我早成十分鐘完成，搞到自己好緊張、好趕，真係好有壓力！　

唔好睇佢好似得個二百題，又只係填反應咁，都做足成個鐘呀！　
但我相信我哋都好ｅｎｊｏｙ，雖然只係自己做，無溝通，
但我哋倆個係過程中，都有爆笑！
好明顯係有啲嘢，講得好中，令我哋”會心爆笑”！
牧者檢查完，仲比埋郵票信封我哋，寄份嘢去美國，
等三～四個星期收到報告後，再約我哋下次輔導ｏ既時間。


***************

完事後，妙子同三哥梗有就今日填ｏ既問卷頃計啦。
唔知你哋仲記唔記得，妙子提及過希望同牧者傾吓計先,
再同家人們講我哋倆個決定結婚呢？

三哥，一直都唔同意呢個做法呀，
但佢愛錫我，所以等待。
今日見面過後，三哥再提”提親”一事，
問我有無發現同牧者面談ｏ既三次（共兩牧者），
都無評價我哋適合／唔適合結婚。
反而係，遇到不合時點面對、處理同解決，
係著重點樣改善同經營。

呢個過程亦再次提醒妙子，
愛情＆家庭一樣，係重視點樣經營同改善關係！
所以，我哋諗住今週日先過第一關：提親。
姊妹們，一齊加油，努力呀！


***************
聖經：「愛是永不止息。」
＠　哥林多前書１３章４節

牧者。對談

決定計劃結婚後，又過咗２個星期，
因為喺教會遇唔到，三哥都未約牧者。
真係忟忟地呢。
最終，三哥打電話約咗。

剛過去ｇｅ　２星期裡面，同牧者們對談，得到提醒，
明白好多事情唔係我哋能夠掌控ｇｅ。
因此，同三哥得共識，在我們做問卷後，再同家人講。
（由做問卷到第一次正式面談，都要成５－６個星期ｇａ）

讓我哋倆個都可以喺呢段時間，準備我們的心。
求天父帶領。