ｈｍ。ｗ 向上啓奏之②

之前提過，妙子背景比較特別有兩個娘家，

所以決定結婚時要向①自家老爹(娘親病逝)+②六叔六嬸（＋嫲嫲）「啓奏」。

上個星期六向②六叔六嬸（＋嫲嫲）順利「啓奏」完畢，

今日就向①自家老爹據實陳明啦。

經過一番身體語言o既溝通後，

三哥終於表達比妙老爹知「我哋結婚」啦！！

妙老爹、即時笑到見牙唔見眼，開心得不得了。

妙心諗：「老爹你駛唔駛咁恨嗰女終於嫁得出呀！？」　＞▽＜

妙老爹，樂極忘形，以為三哥學識同佢溝通咁，

係咁以常速同三哥揮動佢哋雙手，講嘢。

三哥梗直一頭冒水喔～　於是向妙子投出ｓｏｓ。

其實，妙老爹想講我哋知，

唔駛擺酒，「留返」係住屋度。咁啫。

聽到後真係放心好多，可以選擇自由度又再高咗啦！

之但係，呢個星期，三哥同妙子講，

聽到六叔講話「當然擺到酒的話，他們更開心。」時，

三哥講，佢自己需然唔擺都得，但如果擺酒o既話，

除了六叔，三哥自己父母都應該會好開心喎。

咁樣o既話，雖然仲未同三哥父母講我哋決定結婚，

但係應該會擺酒了．．．

各位b2b，依家先搵2014 FALL（2015農曆年前）o既酒席，

會唔會好遲呀！？

我哋目標２０－２５圍呀，有無好介紹呀？